Teri meri yaadein..
Maana ke tera khaab aankhon par sawaar hai..
Maana ke tujhse ki nafrat bhi pyaar hai..
Har saanjh bhale hi aankhon me tujhe banaaye…
Magar tere vapas aane se aaj bhi inkaar hai..
Maana neendon ko tujh me kho jane ki ijazat hai..
Maana ke har subah teri salamati ki ibadat hai..
Har din bhale hi tere kisson ki khoobsurati dikhaaye…
Lekin tere bina jeene ki shayad is pyaar ko aadat hai..
Maana teri muskurahat se dil ki galiyan aabaad hai..
Maana teri gehri aankhon se hua ishq aaj bhi yaad hai..
Lekin tujhe paane k liye tera hona zaroori nahi…
Kyonki teri judaai ki dastaan seene me kahin barbaad hai..
Meri mohabbat ka daayera bas teri tasveer tak hai..
Mere naseeb ki raahein bas us gehre samandar tak hai..
Jo tere chaand ki parchhai ko aagosh me lekar kahe…
Ke tera mere kinaaron ki seemaaon par kya haq hai..
Teri Meri yaadein..
Meri yaadein